LAOAG CITY – Inpakaammo ni Acting General Manager Perry Martinez iti Ilocos Norte Electric Cooperative (INEC) a saan a nakarehistro iti Bureau of Internal Revenue ti collecting system wennu dagiti machine nga us-usaren dagiti meter reader.
Segun kenkuana, nangisyu ti mission order ti nasao nga ahensya gapu ta naduktalan a sipod pay idi 2015 ket saan a nakarehistro dagitoy.
Kunana a dagitoy a machine ti pagibasaran ti Bureau of Internal Revenue nga agkolektar ti buwis iti kooperatiba.
Nupay kasta, inbatad ni Martinez nga addan ti pinapirmaan ti Bureau of Internal Revenue kenkuana ken ti multada da ket 3 a milyon a pisos gapu ta nu saanda a bayadan daytoy ket possible a makasoan ti acting general manager iti tax evasion.
Mangnamnama ni Martinez a saan a maituloy kaso gapu ta possible a mabalod daytoy.
