LAOAG CITY – Naidiaya ti libre a bakuna kontra rabies kadagiti barangay iti ili ti Solsona kas paset ti rabies awareness month ita a bulan.
Segun ken Engr. Ranison Narciso, addan ti sangapulo a barangay ti napanan da tapno idiaya ti nasao a bakuna.
Kunana nga adu dagiti mangayat a mapabakunaan dagiti taraken da ngem adda latta met dagiti nagkedked a makipartisipar iti programa.
Daytoy a programa ket nangrugi idi Pebrero 28 ken agngudo intono Marso 28 ita a tawen.
Patien ni Narciso a malpas da amin a 22 a barangay iti nasao nga ili iti uneg ti maysa a bulan.
Inbatad na a ti programa ket maiwayat pay intono bulan ti Setyembre ita tawen.
