LAOAG CITY – Inpakita iti publiko ti North Korea iti umuna a gundaway ti ar-aramidenda a nuclear-powered submarine.
Personal a binisita ni North Korean President Kim Jong-un ti lugar a pakaar-aramidan ti submarine.
Naammoan a ti nasao a submarine ket maysa a maibilang a pangta iti Estados Unidos ken South Korea.
Rumrummuar a maysa a pito a ribu a tonelada a klase ti submarine ti maar-aramid nga adda ti kabaelanna a mangipatulod ti agingga iti sangapulo a missiles.
Kabayatanna, ti nadakamat a nuclear-powered submarine ket maysa kadagiti kangrunaan nga arapaap ni Kim a kalikagumna a maaramid ti pagilianda idi pay tawen 2021.
