LAOAG CITY – Dumanon iti agarup 200 a ribu a residente ti South America ti napukawan ti suplay ti kuriente gapu iti iduduprak ti napigsa a bagyo.
Nairekord ti 12 nga indibidual ti natay iti Missouri a karaman pay ti Georgia ken North Carolina ti naawanan ti suplay ti kuriente.
Dimmanonen iti 33 nga indibidual ti pimmusay iti napigsa a bagyo no sadinno nakaipangato latta ti pangta iti sumurok 50 a milyon nga indibidual manipud iti Pennsylvania agingga iti Florida.
Nangiruar met ti National Weather System ti tornado watch iti paset ti southeastern Georgia, northern Florida ken West Virginia.
Naammoan a kalpasan ti sumagmamano nga oras nga iduduprak ti bagyo ket naibaban ti Storm Prediction Center iti level 4 ti pangta ti bagyo manipud iti dati a level 5.
Inabisoan dagiti otoridad dagiti residente nga agtalinaed laeng iti uneg ti pagtaenganda.
