LAOAG CITY – Inlawlawag ti opisina ni Cong. Sandro Marcos babaen kenni Mr. Ryan Remigio, District Head nga awan ti pakainaigan ti opisina ti diputado, Speaker Martin Romualdez ken Department of Social Welfare and Development iti maipagarop a pannakakolektar ti nagnagan para iti AICS (Assistance to Individuals in Crisis Situations) ken AKAP (Ayuda sa Kapos ang Kita Program).
Segun kenni Remigio, adda ti dimmanun a report kadakuada nga adda dagiti indibidual a nagturong kadagiti sumagmamano a barangay ditoy ciudad ti Laoag pakairamanan ti Brgy. 1,3,13,15,52-B,57.
Kunana a basar kadagiti saan pay a nabigbig nga indibidual ket iwarwaras da a ti pondo ket manipod kenni speaker Romualdez a dumalan iti opisina ti nasao a diputado.
Mainaig iti datoy, inbatad na a ti opisina da ket saan a kastoy ti wagas ti panagalada ti benepisaryo ken dagiti office staff ti mangibaga a nasayaat ti pagannurutan nu mabalinen a magundawayan dagiti nasao a programa.
