LAOAG CITY – Makipinnirma iti maysa a Memorandum of Understanding ti gobierno probinsyal babaen ti gobernador iti Department of Agriculture-Regional field Office 1.
Iti sponsorship speech ti Chairman ti Committee on Agriculture, babaen ti pannakitinnulag ti gobierno probinsyal iti Department of Agriculture, ad-adda a mapatibker ti pannakaiyimplementar dagiti nagduduma a programa ken proyekto ti nasao a departamento iti biang ti agrikultura ken fishery sector.
Kuna ti opisyal a kasapulan ti gobierno probinsyal ti katulagan gapu ta ti Department of Agriculture ti lead agency kadagiti nasao a proyekto.
Mainaig iti daytoy, inaprobaran ti Sang Panlalawigan ti resolusyon a mangipalubos iti Gobernador a makipinnirma ti Memorandum of Understanding iti Department of Agriculture iti maikadwa ken maudi a pannakaibasa na.
