LAOAG CITY – Naikeddeng nga agtaripnong a personal da United States President Donald Trump ken Israeli Prime Minister Benjamin Netanyahu.
Ni Netanyahu ti umuna a world leader a bumisita iti White House kalpasan nga inpatungpal ni Trump ti nangato a taripa kadagiti naruay a pagilian.
Inbatad ni Netanyahu, kalikagumna laeng a maikkan ti pateg ti personal a koneksionda ken ni Trump.
Naammoan a ti sumagmamano a posible a talantanen ti dua a lider ket ti panangipatungpal ti ceasefire iti Gaza.
Maipalagip nga idi Pebrero idi nagkita ti dua a lider no sadinno a ti sumagmamano a napagsasaritaanda ket ti addang tapno naan-anay a maipatungpal ti ceasefire.
