LAOAG CITY – Ad-adalen ti Department of Social Welfare and Development (DSWD) nga ipangato iti P3,000 monthly food credits a maipapaay kadagiti benepisaryo ti Walang Gutom Program (WGP) kas paset iti agtultuloy a panangikarkarigatan ti departamento a labanan ti panagbisin ken food insecurity iti pagilian.
Iti press briefing ti Presidential Communications Office (PCO) iti Malakanyang, inbatad ni Department of Social Welfare and Development Assistant Secretary Irene Dumlao, ti pannakangiwat iti nasao a departamento, a manarimaan ti panang-assess da ti implementasyon ti Walang Gutom Program tapno madeterminar no ti balor ti food credit top-ups ket agtalinaed nga umdas para kadagiti benepisaryo a pamilya.
Ti Walang Gutom Program nga agserserbi kas flagship ti anti-hunger program ti gobyerno ket agdama a pakairanranudan ti 300,000 food-poor households iti nagduduma a paset ti pagilian.
