LAOAG CITY – Maysa nga agasawa idiay Indiana, U.S.A. ti nakagun-od ti world record gapu iti kinadakkel ti koleksionda ti jigsaw puzzles.
Kinumpirmaran ti records keeping organization a Guinness World Records a ti agasawa nga isuda John ken Kyle Walczak ti akin-iggem ti titulo a “Largest Collection of Jigsaw Puzzles” gapu iti koleksion ti puzzles a dumanon iti 2,022.
Basar kadagiti agasawa, nangrugida nga agkolektar ti jigsaw puzzle idi 2019 ken sipod idin ket kaay-ayodan ti gumatang, aglako ken maki-trade daytoy. Ti maysa kadagiti kadaanan iti koleksionda ket manipud pay idi tawen 1940.
Gapu iti kinaadu dagiti puzzles, kasapulandan ti agaramid ti spreadsheet tapno malagipda no ania kadagitoy ti nabukeldan wenno na-solve.
Naammoan a dagiti agasawa a da John ken Kyle Walczak a pinadayawan ti Guinness gapu ta addaanda ti “Largest Collection of Jigsaw Puzzles.”
