LAOAG CITY – Kalikagom ti Sang Panlalawigan ti makipinnirma iti Memorandum of Agreement iti nagduduma a Colleges ken Universities ditoy probinsya.
Daytoy ket tapno iyimplementar ti programa nga Ilocos Norte Fresh Graduates Driving Parts of Innovation and Development.
Segun iti Sang Panlalawigan, napintas daytoy nga oportunidad kadagiti fresh graduates tapno maaddaan da ti kapadasan ken kas paset ti panagsagsagana da para iti iseserrek da ti trabaho.
Kalikagom pay ti Sang Panlalawigan a padur-asen ti skills dagiti agtutubo ken tapno maipatungpal ti strategic partnership kadagiti colleges ken universities ditoy probinsya babaen iti Public Employment and Service Office.
