LAOAG CITY – Kalikagom ti Sang Panlungsod a marugyanen ti pannakausar ti sea ambulance ditoy ciudad ti Laoag.
Daytoy ket kalpasan nga adda ti kameng ti konseho a nakaimatang nga adda ti dalan a pagipagpagnaan ti lokal a goboerno iti ili ti Pasuquin partikular iti Barangay Davila ti sea ambulance da.
Inbatad ti konseho nga ipakaammo da daytoy iti City Disaster Risk Reduction and Management Council tapno iti nadakamat a lugar ti pangipagnaan da ti sea ambulance ditoy ciudad ti Laoag.
Innayon ti konseho a napintas daytoy tapno ma-utilize ti nasao a sea ambulance ken tapno mausar kadagiti water activities a maisayangkat kabayatan ti Palarong Pambansa
Maipalagip ket nasuroken a maysa a tawen ngem saan pay a nausar ti sea ambulance ditoy ciudad.
