LAOAG CITY – Umabot iti 14 a tattao ti natay, pakairamanan ti dua nga ubbing kalpasan ti pannakauram ti hotel iti estado ti West Bengal iti India.
Malaksid kadagiti natay ket adda pay ti dua a nasugatan a kritikal ti kondisyon da iti pannakauram ti Rituraj Hotel iti Kolkata city.
Agpapan ita ket saan pay a nalawag no ania ti namonganayan iti uram, ngem addan ti napusgan nga special investigation team tapno isu ti mangimbestigar iti insidente.
Mainaig iti daytoy, inrakurak ni Prime Minister Narendra Modi ti ladingit na iti kaadda dagiti pimmusay, kagiddan ti panangikari na a maipaayan ti kompensasyon ti pamilya dagiti biktima.
