LAOAG CITY – Nauram ti maysa a pagtaengan iti Barangay 4 San Guillermo ditoy siudad ti Laoag.
Nabigbig ti akinkukua ti pagtaengan a ni Dr. Jesusa Aguinaldo.
Basar iti inisyal nga imbestigasion ti Bureau of Fire Protection, alisto a nagramram ti apoy gapu ta naaramid laeng iti light materials ti nasao a pagtaengan.
Narigatan dagiti bumbero nga insigida a makastrek iti pagtaengan gapu iti kinapuskol ti asok ken dakkel nga apoy.
Naammoan nga awan ti nadangran ti insidente ken awan pulos ti naisalbar a kagamitan.
Iti agdama, agtultuloy a maiwaywayat ti naun-uneg nga imbestigasion maipanggep iti napasamak nga uram.
