LAOAG CITY – Kalikagum ni Vice Mayor Carlos Fariñas a maplastaren ti libre a panagbuya dagiti Senior Citizens ken Person’s With Disability sakbay nga aglukat ti SM.
Segun kenkuana, naipasa ti ordinasa ngem awan pay ti naaramid a Memorandum of Agreement wenno MOA.
Mainaig iti daytoy, kunana nga i-follow up-nanto daytoy tapno mapaiyalisto ti pannakaiproseso ti MOA gapu ta dumalan pay laeng iti konseho para iti pannakakita dagiti rules and conditions-na.
Mangnamnama ti Bise Mayor a sakbay ti Mayo 30 a panaglukat ti dakkel a mall ditoy siudad ti Laoag ket makapagsaritan ni Mayor Michael Marcos Keon ken ti panannakabagi ti dakkel a mall.
Immuna iti daytoy, inaprobaran ti konseho ti ordinansa para iti pannakalibre ti panagbuya ti sine dagiti senior citizen ken adda ti rangkap ti bagina ditoy siudad ti Laoag.
Kabayatanna, daytoy nga addang ti konseho ket tapno maikkan ti gundaway dagiti senior citizen ken adda ti rangkap ti bagina a makabuya kadagiti nagduduma a pelikula tapno maalay-ayan wenno maikkat ti marikriknada nga stress.
