LAOAG CITY – Manamnama a maisayangkat manen ti sabali a bansada ti panagbakuna kadagiti babbai iti anti-human papillomavirus (HPV) vaccine ditoy ciudad ti Laoag.
Daytoy ti inbatad ni Dr. Rodrigo Catcatan, ti City Halth Officer ditoy ciudad.
Kuna na a rugyan da ti agbakuna manen sakbay ti panagenrol dagiti estudyante para iti School Year 2025-2026.
Inbatad na a naawat dan ti pondo manipod iti congressional office a maigatang ti supply ti bakuna a mausar.
Immunan nga inrakurak ti City Health Office a ti gagem da a maipaayan ti nasao a bakuna ket dagiti amin a grade 4 pupils a babbai nga agad-adal iti pribado ken pampubliko a pagadalan ditoy ciudad ti Laoag.
Malaksid iti daytoy, kuna ni Catcatan a mangiwaywayat da pay ti panagbakuna kadagiti nagduduma a komunidad.
Namnamaen ni Catcatan a babaen iti nasao nga addang ket ad-ado ti mabenepisyaran ken matulongan tapno maiyadayo iti possible a panagpasar ti nadagsen a sakit.
