LAOAG CITY – Kasapulan pay ti naananay nga effort ti gobierno tapno maikkan importansia ti single-use plastic.
Segun ken ni Engr. Nicanor Esteban, Regional Director ti Department of Environment and Natural Resources – Environmental Management Bureau, manmanu laengen dagiti lugar a saan pay a nakaadaptar ti single-use plastic policy wenno iti pannakaipawil ti panagusar ti plastic.
Inbatad na a daytoy a polisiya ket incorporated iti solid waste management plan ti Department of Environment and Natural Resources.
Inlawlawag ni Esteban nga adda dagiti lokal a gobierno a naiget ti implementasyon na iti single-use plastic, nangruna kadagiti merkado publiko, no sadinno a ditoy nga i-require da kadagiti tattao nga agitugot iti bukod da nga eco-bag wenno container no mapan da iti wet section.
