LAOAG CITY – Inpakaammo ni Dr. Rodrigo Catcatan, mangidadaulo ti City Health Office ditoy siudad ti Laoag nga ipangpangrunada dagiti Guest Relations Officer wenno GRO iti Barangay 1 Discolandia a maipadalan dagitoy iti Human Immunodeficiency Virus wenno HIV screening.
Inbatadna a saan laeng a kadagitoy ti pannakamonitor dagiti GROs no diket kada dua agingga iti tallo a bulan ket required dagitoy nga agpa-check up.
Inlawlawagna nga adda ti “pink card” dagiti GROs nga isu ti ipakitada kadagiti pagtrabahoanda.
Kunana nga adda latta dagiti agpospositibo iti urinary tract infection a maipapaayan dagitoy ti libre nga agas.
Innayonna a dagiti agpositibo ket balakadanda a saanda pay laeng a mabalin nga agtrabaho agingga a saanda pay a naan-anay a nagimbag.
