LAOAG CITY – Maiyuswat ti Sunshine Queen 2025 iti oras ti alas-sais intono malem, Hunyo 15 kas paset ti selebrasyon iti Charter Day ditoy ciudad ti Laoag.
Inbatad ni Atty. Charito Malicad, ti mangidadaulo iti City Tourism Office ditoy ciudad a sakbay a maisayangkat ti Sunshine Queen ket adda ti maiyuswat a Pride Parade a mangrugi iti oras ti alas-tres ti malem a mangrugi iti JTC Mall agturong iti City Hall.
Inpakaammo na nga iti oras met ti alas-8:30 intono rabii ket maiyuswat ti Regasco Mini-Concert.
Mainaig iti daytoy, inrakurak pay ni Malicad nga adda ti nasurok a 10 a participantes para iti Mardi Gras attire ken ti kapintasan ket maawardan kabayatan ti Sunshine Queen.
