LAOAG CITY – Saan pay a nakadesisyon ti Aircraft Accident Investigation Bureau (AAIB) iti India no rumbeng nga ipatulod da iti overseas ti flight data ken cockpit voice recorders manipod iti nagswek nga Air India flight para iti decoding ken analysis.
Maipalagip nga umabot iti 270 a tattao ti natay a kaadoan ket dagiti nakalugan iti nasao nga eroplano iti napasamak nga insidente.
Immunan a nairakurak nga adda ti sumagmamano a media outlets a nangirakurak a ti black boxes ti eroplano ket naipatuloden iti abroad
Nupay kasta, inpetteng ti ministry ti civil aviation nga awan pay ti pinal a desisyon seknan iti daytoy nga addang.
Inlawlawag na a determinaren nga umuna ti Aircraft Accident Investigation Bureau ti lokasyon para iti analysis
kalpasan ti maitutop a panangtingiting kadagiti teknikal, kinatalged, ken seguridad a banag.
