LAOAG CITY – Plano ti Israel nga agnayon ti suldado a mai-deploy idiay Gaza.
Inbatad ni military Chief of Staff Eyal Zamir nga addaan ti lima a suldado ti naka-deploy iti military division idiay Gaza.
Kinumpirmaran ti Israeli Army a pinaltu-paltoganda dagiti sibilian a Palestino nga adda iti distribution centers idiay Gaza.
Iti agdama, dumanonen iti agarup 600 a Palestino ti natay kalpasan a napaltu-paltogan kabayatan a nakapila dagitoy kadagiti distribution centers.
Immunan a kinontra ti United Nations ti nasao a pammaltog ti Israel kadagiti nakapila a mangal-ala laeng ti taraon.
