LAOAG CITY – Inbatad ti Department of Social Welfare and Development (DSWD) nga adda ti 3-bilyon a pisos nga standby funds ken naka-preposition a relief stockpile para kadagiti mapasaran a kalamidad ita a tawen.
Segun ken ni Department of Social Welfare and Development spokesperson Irene Dumlao, mausar ti nasao a pondo tapno maipaay dagiti kiddaw dagiti nagduduma a lokal a gobierno a naapektaran ti kalamidad.
Inpakaammo pay ni Dumlao nga adda ti agarop 3 a milyon a family food packs a nakapenpen kadagiti warehouses ti Department of Social Welfare and Development iti intero a pagilian.
Immuna iti daytoy, inrakurak ti Office of Civil Defense nga umabot iti 3,700 a pamilya manipod Ilocos Region, Cordillera Administrative Region (CAR), ken Cagayan Valley (Region II) ti naapektaran iti iduduprak ti bagyo Bising iti kallabes.
Inpasigurado ni Dumlao a nakaipaayen ti tulong ti ahensya kadagiti apektado a residente kangrunaan na iti Benguet ket Ilocos Sur.
