LAOAG CITY – Inrakurak ni Bombo International News Correspondent Lyle Sabado iti Thailand nga iti agdama ket maibilang a normal paylaeng ti sitwasyon iti nadakamat a pagilian.
Daytoy ket iti baet ti mapaspasamak a rinnupak iti nagbaetan ti Thailand ken Cambodia iti border ti dua a pagilian.
Inlawlawag na a dagiti naibakwit a residente iti pakapaspasamakan ti riribok ket agtultuloy a makaaw-awat ti tulong manipod iti gobierno.
Nupay kasta, kuna na a ti nakaladladingit ket iramramanen dagiti tropa ti Cambodia ti pagtaengan dagiti sibilyan isut gapuna nga adon dagiti nadadael.
