LAOAG CITY – Natay ti tallo nga indibidual idinto a naruay ti nasugatan gapu iti pannaka-diskaril ti tren idiay south-west Germany.
Basar iti operator ti tren a Deutsche Bahn, napasamak ti insidente iti Riedlingen nga asideg iti Stuttgart.
Adda ti 100 nga indibidual ti nakalugan ti tren idi a kellaat a dagiti dua a bagon daytoy ket nadiskaril iti riles.
Nangipadanon met ti pannakipagladingit ni German Chancellor Freidrich Merz kadagiti kabagian ti biktima idinto nga inpasiguradona ti naun-uneg nga imbestigasion iti insidente.
