LAOAG CITY – Nangipatulod ti European Union dagiti bumbero idiay Spain tapno masebseban ti wildfires.
Ti nasao a tulong ket kagiddan ti pannakairekord ti tallo nga indibidual a pimmusay gapu iti wildfire.
Nagballaag ti Aemet ti weather agency ti Spain nga agramram latta ti wildfire agingga inton sumaruno a lawas gapu iti kinabara ti panawen.
Naammoan a ti Spain ket isu ti maikalima a pagilian iti Europa a nagkiddawen ti tulong tapno labanan ti wildfire.
Maipalagip a sumagmamanon nga ektaria iti kabanbantayan ti nauram iti pagilian a Greece gapu met iti wildfire.
