LAOAG CITY – Sumagmamano a luxury vehicles a kukua dagiti contractors a da Curlee ken Sarah Discaya ti innala manipud iti parking area ti St. Gerrard Construction iidiay Pasig City ken naipan iti Bureau of Customs idiay Manila.
Basar iti report, dagiti 10 a luxury vehicles ti Discaya ket naipan itay bigat iti bureau.
Ummunan nga innala ti BOC iti Setyembre dagiti 28 luxury vehicles a konektado met laeng iti Discaya family.
Naamoan a ti walo a lugan a ti Discaya nga adda iti bureau ket naduktalan nga smuggled.
Iti maysa nga statement, kuna ti BOC nga iti imbestigasyon da ket rimuar a dagiti walo a behikulo ken imported nga awanan ti corresponding entry.
Inbatad pay ti Customs a dagiti behikulo ket naklasipikar kas “smuggled” ken “subject iti pannakaisyu ti Warrants of Seizure and Detention.
Malaksid iti daytoy, kuna ti bureau a pito pay a behikulo a sakop iti import entries, ket kurang ti lack Certificates of Payment ken duties and taxes.
Innayon ti Bureau of Customs a dagiti pito a nadakamat a behikulo ket maipadalan iti transaction audit babaen iti Post Clearance Audit Group (PCAG).
Ti agasawa a Discaya ket karaman iti imbestigasyon iti maipagarop nga iregularidad iti flood control projects.
