LAOAG CITY – Nangisyu ti Commission on Election (Comelec) ti show cause order (SCO) kontra kenni Senator Francis “Chiz” Escudero tapno agpalawag iti P30 million a campaign donation a naawat na manipud iti contractor para iti kampanya na idi 2022.
Segun kenni Comelec Chairman George Garcia, naipatulod dan daytoy ken ti panagdengeg mainaig iti daytoy ket naikeddeng inton October 13, 2025.
Welcome met para kenni Escudero ti addang ti komisyon gapo ta maikkan ti oportunidad a mangpaneknek nga awan ti linabsing na a paglintegan.
Ummunan nga inbatad ni Garcia nga adda ti maiparuk-at a show cause order kontra iti senator kalpasan a nakataripnong met ti Comelec ti legal counsel ni Centerways Construction and Development Inc. president Lawrence Lubiano nga isu ti nagidonar.
Malaksid iti show cause order kontra kenni Lubiano ket nabilin pay a sumango iti Political Finance and Affairs Department (PFAD).
Inadmitir idin ni Lubiano iti House hearing a nagidonar ti P30 million kenni Escudero idi 2022 ngem daytoy ket manipud iti bukod na a bulsa saan ketdi a naggapo iti kompanya na.
