LAOAG CITY – Kinumpirmaran ni Independent Commission for Infrastructure (ICI) Executive Director Atty. Brian Keith Hosaka a sumango iti panagdengngeg ti Independent Commission for Infrastructure inton bigat, Oktubre 7 ni Senador Mark Villar mainaig iti flood control projects.
Inbatad ni Hosaka nga immannugot iti Komision ni Villar nga agatendar daytoy iti panagdengngeg agarup alas-9:00 ti bigat.
Manamnama a mangipaay ti palawag ni Villar iti imbestigasion ti Independent Commission for Infrastructure kas maysa a dati a Public Works secretary.
Malaksid ken ni Villar, maminsan met a sumango inton bigat iti Komision ti agasawa a contractors nga isuda Curlee ken Sarah Discaya.
Immunan a pinatulodan ti subpoena ti Independent Commission for Infrastructure da dati nga House Speaker Martin Romualdez ken resigned Congressman Elizaldy Co ngem awan pay ti kasiguradoan no inton ano a sumango dagitoy.
