LAOAG CITY – Linagip ti Israel ti maikadua a tawen nga aniberasario ti October 7 attack.
Nagtitipon dagiti Israelis iti memorial events sipod immatake ti Hamas idi Oktubre 7, 2023 a nakatayan ti agarup 1,200 nga indibidual ken 251 a dadduma pay ti na-hostage.
Adda dagiti naidaton a sabsabong, kandela ken pammadayaw iti site ti Nova festival attack ken memorials.
Mainaig iti daytoy, mamati ti abirat ti maysa kadagiti 20 nga hostages a sibibiag pay dagiti dadduma a miembro iti pamiliana ken makasubli iti Israel iti kabiitan a panawen.
Nangiwayat ti Israel’s military ti kampania idiay Gaza kas sungbat iti panangraut ti Hamas a nakatayan ti 67,160 a tattao iti lugar basar iti Hamas-run health ministry.
Gagem ti indirect talks iti nagbaetan ti Israel ken Hamas ken panangikagumaan iti panaglippas ti gubat.
Kabayatanna, ginutigot ni United Kingdom Prime Minister Keir Starmer dagiti estudiante a saan a makipagpaset iti tignay protesta ti pro-Palestinian.
