LAOAG CITY – Naiwayat ti kaunaan a Youth Consultation Forum ditoy ciudad ti Laoag.
Segun ken ni Mrs. Perlita Cabello, ti mangidadaulo iti City Social Welfare and Development ditoy ciudad ti Laoag, napagsasaritaan iti naiyuswat a forum dagiti addang a makatulong kadagiti agtutubo para iti ad-adda pay a panagbalin da a produktibo.
Gagem pay ti nasao nga aktibidad a maamoan dagiti kalikagom dagiti agtutubo tapno matulungan ti lokal a gobierno ditoy ciudad.
Nagyaman met ni Cabello gapu ta ado dagiti nagatendar nga agtutubo ken naiyebkas da dagiti agkakapintas nga ideya da.
Ti nasao a programa ket inorganisar ti lokal a gobierno babaen ti SK Federation ken Local Youth Development Office ken ti City Social Welfare and Development Office ditoy ciudad ti Laoag.
