LAOAG CITY – Manamnama ti panangipakaamo ni Mayor James Bryan Alcid dagiti naaramidan na iti uneg ti 100 nga aldaw a panagtakem na kas mayor ditoy ciudad.
Daytoy ti inpakammo ni Mrs. Mary Jane Leaño, ti Public Information Officer.
Kunana a daytoy ket maisayangakat iti alas-tres ti malem iti Centennial Arena ditoy ciudad.
Segun kenni Leaño, mangegan dagiti nalpasan na kas inkari na kabayatan ti panagkampanya na.
Inbatad nga umabot iti sumurok kumurang 4,000 nga indibidual ti agatendar gapo ta naimbitaran amin dagiti opisyal ti ciudad, Barangay Health Worker, Barangay Tanod, city officials, NGOs, presidente iti nagduduma a sektor, pagadalan, consolate of china ken dadduma pay.
Innayon na a dagitoy ti kangrunaan a naimbitaran gapo ta isuda ti katulongan ti mayor tapno agballigi ken maimpatungpal dagiti programa na.
