LAOAG CITY – Kinarit ni Vice President Sara Duterte ni Ombudsman Crispin Remulla a rugiannan ti panangimbestigar iti Statement of Assets Liabilities and Net Worth wenno SALN-na.
Iti ambush interview idiay Mati City, Davao Oriental, inbatad ni Vice President Sara nga ipaimana laengen iti Dios dagiti aramiden ni Remulla kas Ombudsman.
Nagkedked pay laeng ni Vice President Sara a mangipaay ti komento iti panangbasura ti International Criminal Court (ICC) iti panangkiddaw ti interim release ti dati a Presidente Rodrigo Duterte.
Saan pay a nangited ti komento ti Bise Presidente iti plano ti Kamara nga isubli ti P700-M ti budget ti Office of the Vice President para iti tawen 2026 gapu iti saanna a panagatendar iti panagdengngeg.
Innayonna nga ipangpangrunana pay laeng a tulungan dagiti biktima gapu kadagiti agsasaruno a gingined ditoy pagilian.
