LAOAG CITY – Dumaldalan ni dati nga US President Joe Biden ti radiation therapy para iti prostate cancer na a nadiagnosed idi Mayo ita a tawen.
Daytoy ti inpakaammo ti pannakangiwat ti dati a presidente ti Amerika.
Malaksid iti radiation therapy ket dumaldalan pay ni Biden ti hormone treatment.
Maipalagip a ni Biden, agtawen ti 82 ket immunan a dimmalan idi Setyembre ita a tawen ti procedure a Mohs surgery tapno maikkat dagiti cancerous cells manipod iti kudil na.
Inbutaktak ti dati a presidente idi Mayo ita a tawen a na-diagnosed ti metastatic prostate cancer.
Inbatad ti team na a ti sakit ni Biden ket agresibo ngem sensitibo ti hormone na, kayatna a sawen ket alisto nga agresponde iti treatment.
