LAOAG CITY – Balligi a naisayangkat ti Quarterly Meeting iti Vice Mayor’s League of the Philippines – Ilocos Norte.
Daytot ti inpakaammo ni Provincial Chapter President Vice Mayor Maynard Bumanglag.
Segun kenkuana, ditoy a napagsasaritaan dagiti plano ken dagiti mapagtitinnulungan a programa para ditoy probinsia ken kadagiti kabukbukudan dagitoy a lugar.
Inbatadna a ti maysa kadagiti nagbalin a topikoda ket no kasano nga agbalin a mandatory dagiti posision iti higher class kadagiti nagduduma a munisipalidad.
Kunana a nangaramidda ti resolution a manamnama a maipasa iti kongreso tapno makita ken maiplatarda daytoy.
Kabayatanna, maragsakan ni Bumanglag gapu ta nagbalin a napintas iti diskusion dagitoy kabayatan ti panagtataripnong kaduana dagiti amin a Bise Mayor ditoy probinsia.
