LAOAG CITY – Agtultuloy pay laeng ti search and retrieval operations iti mapukpukaw nga agtawen ti 12 iti paset ti Barangay Calayab ditoy ciudad ti Laoag.
Segun kenni Dr. Melvin Manuel, mangidadaulo ti City Disaster Risk Reduction and Management Office ditoy ciudad ti Laoag, napan da pay iti paset ti Barangay Lapaz itay parbangon.
Nupay kasta, kunana a gapo iti dadakkel a dalluyon ket binalakadan ti Philippine Coast Guard (PCG) isuda a saan da a tumapog gapo ta delikado met para kadagiti responders.
Inlawlawag na a mapmapan da pay kadagiti coastal areas saan laeng a ditoy ciudad ti Laoag no diket iti probinsya.
Mainaig iti daytoy, kuna ni Manuel nga agkiddaw da ti tulong partikular iti air assets ti gobierno probinsyal tapno al-alisto ti panangbirok da iti ubing.
Mangnamnama dagitoy a makita da ti ubing iti kabiitan a panawen nangruna ket ti dakkel a karit kadakuada ket ti kinadawel ti baybay.
Maipalagip a nagpakada ti menor de edad a napan nagbisbisikleta ti kadwa na dagiti tallo a papagayam na ken idi nakadanun da iti lugar ket bigla lattan a napan timmapog ti biktima iti baybay, ngem saanen a timmakdang ken nakita pay agpapan kadagitoy a gundaway.
