LAOAG CITY – Saan nga ikankano ni Senate President Vicente “Tito” Sotto III ti akusasion a protprotektaranna ni dati nga House Speaker Martin Romualdez mainaig iti Senate Blue Ribbon Committee hearings iti anomalous flood control projects.
Inbatad ni Sotto, saanna a protprotektaranna ti asinoman ken kasapulan a maipatungpal ti inter-parliamentary courtesy no karaman ti agdama a kongresista.
Masansan laeng nga im-imbitaran ti Senado ti House members no dagitoy ket sponsors ti partikular a mailunglungalong a gakat.
Iti saludsod no kasano a kapateg ni Romualdez kas testigo, kuna ni Sotto a naminsan laeng daytoy a nadakamat ken saanna a kabaelan a diktaran ti kinapateg daytoy.
Plano ni Senate President Pro Tempore Panfilo Lacson nga ikeddeng ti sumaruno nga hearing inton Nobiembre 14 no maminsan manen a mai-reelected kas chairman ti panel.
Kuna ni Lacson, maysa a nakapatpateg a testigo ti imbitaran tapno mapaalisto ti panangipila ti kaso kontra kadagiti sumagmamano a pulitiko, Department of Public Works and Highways officials ken dagiti kontratista.
