LAOAG CITY – Naitayab ti galba ti maysa a pagtaengan iti Barangay Pila ditoy ciudad ti Laoag gapo iti napigsa nga angin a napasaran idi laeng rabii.
Daytoy ti kinumpirmaran ni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad ti Laoag.
Emosyunal met ni Mrs. Erlinda Maximo, akin-kukua iti pagtaengan a naitayab ti galba na a nangistorya ti kapadasan na idi pumigsa ti angin.
Inlawlawag na a madanagan iti dayta a gundaway nangruna ket na-stroke pay ti asawa na isut gapo na isut gapo na a saanen a nakaturturog.
Inbatad na nga idi naitayab ti galba ti pagtaengan da ket dagus da ket nagpatulong iti kabsat na ken immakar iti pagtaengan daytoy.
Mainaig iti daytoy, kunana a nagtitinnulong dagiti opisyales ti barangay ken barangay tanod a nangiyakar kadagiti ramramit da.
Kunana dagus met nga inpakammo ti kapitan iti lokal a gobierno kangrunaan na iti Dept. of Social Welfare and Development (DSWD).
Kabayatanna, nagkiddaw ti tulong ni Maximo para iti dagus a pannakatarimaan ti pagtaengan da.
