LAOAG CITY – Umabot iti 17 a miembro ti House of Representatives ti inimbitaran ni Senate President Pro Tempore Panfilo Lacson iti panagtultuloy ti imbestigasyon da iti anomalya a flood control projects.
Segun kenni Lacson, naipatulod nan ti imbitasyon babaen kenni Speaker Faustino “Bojie” Dy III.
Naamoan a dagiti 17 nga agpanpanday linteg a naimbitaran ket dagiti dinakamat dagiti agasawa a kontraktor a Sarah ken Curlee Discaya.
Karaman pay kadagiti naimbitaran ket isuda dati a speaker ken Leyte Rep. Martin Romualdez, dati nga Ako Bicol party-list congressman Zaldy Co ken Benguet Rep. Eric Yap a personalidad a maipagarop a nagawat ti kickbacks manipud iti flood control projects a dinakamat met ni dati a Marine ken security consultant Orly Guteza.
Daytoy ti ummuna nga addang nga aramiden ni Lacson matapos kalpasan a naelektaran manen kas mangidaulo iti Blue Ribbon Committee.
