LAOAG CITY – Pormalen a nagsapata dagiti baro a Federated Tricycle Association of Laoag officials.
Segun ken ni Mayor James Bryan Alcid, dakkel a katulungan dagiti traysikelan ti transportasion ken ekonomia ditoy siudad ti Laoag.
Inbatadna a babaen dagiti baro nga opisialda, ad-adda a makatulong ti Federated Tricycle Association of Laoag ditoy siudad.
Mainaig iti daytoy, mismo a ni Mayor Alcid ti nangsapata kadagiti baro nga opisial nga aggapu kadagiti nagdumaduma a Tricycle Operators and Drivers Association wenno TODA.
Inlawlawagna nga agbinnulig ti gobierno siudad ken Federated Tricycle Association of Laoag para iti nadurdur-as a siudad.
Inpasingkedna iti agtultuloy a suporta babaen kadagiti naruay a programa para kadagiti Federated Tricycle Association of Laoag ditoy siudad ti Laoag.
