LAOAG CITY – Aggiddan ti Christmas lighting ti gobierno probinsyal ken Laoag City Government ita a tawen.
Daytoy ti inpakaammo ni Mayor James Bryan Alcid ditoy ciudad ti Laoag.
Inbatad na a nakikoordinar da iti gobierno probinsial ken napagtutulagan da nga aggiddan ti pannakapasilaw dagiti Christmas decorations ken maymaysa laeng a disenyo ti suroten da tapno napinpintas ti buyana ken saan nga agsupadi.
Innayon na a ti plano da a pannakaiwayat ti Christmas lighting ket intono Disyembre 9 isut gapuna a namnamaen da a ti madutokan kas baro a tourism officer ket kabaelan na a suposopan nga insigidda dagiti mapanawan a trabaho ti dati a tourism officer a ni Atty. Charito Malicad.
