LAOAG CITY – Ibilang ni Mayor James Bryan Alcid a napintas ti inaramid ti Independent Commission for Infrastructure kadagiti sumagmamano nga flood control projects ditoy probinsya iti kallabes a saan a naipakpakada kadagiti lokal a gobierno.
Kunana a daytoy ket wagas a panangipakita ti transparency iti Independent Commission for Infrastructure.
Inbatad na a naipadanon kenkuana a nakadanon da iti maysa a flood control iti Brgy. Gabu ditoy ciudad.
Kuna na nga awan ti aniaman nga impormasyon a naidanun kenkuana no ania ti nagresultaan ti ibibisita ti Independent Commission for Infrastructure gapu ta awan ti contact na kadagitoy ken uray ti Department of Public Works and Highways.
Segun iti mayor, adda ti responsibilidad a kasapulan da a takderan isut gapuna nga isuda ti makaammo a mangaramid ti bukod da a trabaho.
Maipalagip nga iti kallabes ket immay bimmisita da Retired Philippine National Police officer Rodolfo Azurin Jr., Baguio City Mayor Benjamin Magalong iti kallabes ditoy probinsiya kadwa da dagiti sumagmamano a kameng ti Department of Public Works and Highways tapno kitaen ti agdama a sasaaden dagiti sumagmamano a flood control projects ditoy probinsiya.
