LAOAG CITY – Inadaptar ti Algeria ti linteg a mangipataw ti dusa a pataw kadagiti tattao a makunviktaran iti kaso a panagpuur ti kabanbantayan, kabakiran wenno iti taltalon kalpasan dagiti nagsasaruno a nalawa a wildfires iti sumagmamano a paset ti pagilian.
Nagbotos dagit miembro ti national assembly pabor iti nasao a linteg, a namagbalin met iti child abduction iti capital offence.
Ti dusa a patay ket adda iti penal code para iti sumagmamano nga offences, ngem awan pay ti pannakapapatay a naaramid sipud idi 1993.
Iti report, ti opisyal a bilang dagiti natay gapu kadagiti uram ket 12, ngem patien dagiti independiente a pagiwarnak a nangatngato nga amang ti bilang.
Inbilin ni Algerian President Abdelmadjid Tebboune iti justice ministry nga iyam-ammona dagiti panagbalbaliw iti linteg kriminal kalpasan ti nasurok a 100 nga uram iti amianan a daya ti pagilian kabayatan ti nakaro a pudot iti amianan nga Africa.
Naipalawa pay ti dusa a patay kadagiti panagkidnap kadagiti ubbing a pakairamanan ti panangparparigat, sexual assault wenno mutilation.
