LAOAG CITY – Naiget ti panagmonitor ti Department of Labor and Employment (DOLE) iti pannakaipatungpal ti mandatory provision ti 13th month pay dagiti mangmangged.
Iti Labor Advisory No. 16-2025, inbilin ti departamento iti amin a field office a siguradwen a sumursurot dagiti kumpanya iti Presidential Decree No. 851, a mangibilbilin ti panangipaay ti 13th month-pay kadagiti empleyado da.
Inpalagip ti Department of Labor and Employment nga awan ti exemption iti panangipaay ti 13th month pay dagiti kumpanya.
Ti 13th month pay ket maapol nga ipaay kadagiti rank-and-file a mangmangged aniaman ti posisyon, designation, wenno employment status, ken no aniaman a wagas ti panagbayad ti sweldo da, basta nakapagtrabaho da ti uray maysa a bolan iti uneg ti maysa a tawen.
Ti minimum a 13th month pay ket saan a rumbeng a nababbaba nge 1/12 ti pakabuklan ti basic salary a naala ti maysa nga empleyado iti uneg ti maysa a kalendaryo ti tawen.
Masapol a mabayadan ti 13th month pay sakbay ti Disyembre 24 wenno nasapsapa pay.
