LAOAG CITY – Natay ti driver ti motorsiklo kalpasan a dinungpar ti maysa a pajero iti National Highway, Doña Josefa Llanes Escoda Road, bisinidad ti Brgy. 23, Sta Cecilia, San Nicolas, Ilocos Norte.
Ti biktima a nangiturong ti Honda TMX 125 ket agtawen ti 23 idinto a ti driver ti pajero ket agtawen ti 42, agpada a residente iti Brgy. 10, San Miguel, Sarrat.
Iti imbestigasyon ti Philippine National Police, agsinnabat ti motorsiklo ken pajero ngem immagaw ti linya ti pajero a nangitunda iti pannakadungpar ti biktima.
Gapo iti daytoy, nagsagaba ti biktima ti sugat iti nagduduma a paset ti bagi na ken naitaray iti Black Nazarene Hospital ngem naideklara a dead on arrival.
Kabayatanna, isagsagana latta dagiti otoridad ti kaso a reckless imprudence resulting in homicide ngem agdepende iti mapagsasaritaan dagiti dua a partido no maipila ti reklamo.
Iti agdama, nagtalinaed iti Philippine National Police ti driver ti pajero.
