LAOAG CITY – Inrakurak ti Department of Health a mabalin a sakupen metten dagiti Local Government Unit hospitals ti zero balance billing inton 2026.
Segun iti Department of Health, daytoy ket kalpasan nga inramanen ti Senado ti P1 bilyon a budget para iti panangipalawa ti programa iti naisayangkat a Bicameral Conference Committee (bicam) meeting.
Mainaig iti daytoy, nagyaman ni Department of Health spokesperson Albert Domingo iti Senado gapu ta nangilatangda ti Zero Balance Billing Expansion kadagiti Local Government Unit hospitals.
Inbatadna nga ikarkararagda a manayonan pay ti alokasion.
Kunana a dagiti posible a mabenepisiaran a Local Government Unit para iti daytoy ket iti Sarangani, Laguna, Aklan ken Benguet idinto a kitkitaenda pay iti Pampanga, Bataan ken Quezon.
Basar iti datos, addan ti sumurok 1,078,000 a Pilipino ti nabenepisiaran ti zero-balance billing policy ti gobierno iti uneg laeng ti pito a bulan.
Kabayatanna, naammoan a tapno ma-avail ti zero-balance billing, dagiti pasiente ket nasken a nai-admit iti basic accommodation wenno ward tapno ti PhilHealth ti agbayad ti 100% ti bill-da.
