LAOAG CITY – Ikonkonsiderar ti Office of the Ombudsman ti mangipila ti civil forfeiture case kontra ken ni dati nga House Speaker Martin Romualdez.
Daytoy ti inbatad ni Department of the Interior and Local Government Secretary Jonvic Remulla.
Ti Civil forfeiture cases ket palubusan na ti gobierno mangala amin kadagiti sanikua ti maysa nga indibidual nga awan ti ipilan na nga aniaman a krimen.
Inrakurak ni DILG Secretary Jonvic Remulla, kabsat ni Ombudsman Jesus Crispin Remulla, a determinado ti anti-graft office nga agpila ti gross criminal neglect wenno gross neglect para iti civil forfeiture iti amin nga assets ni Romualdez.
Innayon na a no saan da a mapilaan ti kaso criminal ti dati nga house speaker ket alaen da amin a sanikua na.
Maipalagip nga immunan nga inrekomendar ti Department of Public Works and Highways ti pannakaipila ti kaso kriminal ken administratibo kontra kadagiti 87 nga indibidual, a pakairamanan ni Leyte 1st District Rep. Romualdez, mainaig iti flood control corruption scandal.
Inkari ni Interior Secretary Remulla a tutukan na dagiti ebidensya kalpasan ti report ti Philippine Center for Investigative Journalism (PCIJ) maipanggep kada Congressman Sandro Marcos ken Romualdez.
Immunan nga inbatad ti kampo ni Romualdez a ti rekomendasyon ti DPWH nga agpila kadagiti reklamo kontra kenkuana ket saan a “determination of guilt”.
