LAOAG CITY – Natay ti Russian Lieutenant General a nabigbig a ni Fanil Sarvarov kalpasan a bimtak ti maysa a bomba a naikabil iti sirok ti lugan idiay Moscow basar iti Russia’s Investigative Committee.
Ni Sarvarov, agtawen ti 56, ti mangidadaulo ti operational training department ti armed forces.
Basar iti imbestigasion dagiti otoridad, adda ti pakainaiganna ti pannakibiang ti Ukrainian intelligence ngem awan pay ti opisial a rakurak manipud iti Ukraine.
Makita kadagiti ladawan manipud iti lugar ti maysa a puraw a lugan a nadadael dagiti ridawna iti uneg ti maysa a parking lot nga asideg iti apartment block iti lugar.
Naammoan a kadagiti dadduma a pagilian, inpasan dagiti otoridad ti kaso a murder ken illegal trafficking kadagiti pagpabettak.
Mabigbig ni Sarvarov iti combat operations-na idi Ossetian-Ingush conflict ken Chechen wars idi 1990s ken early 2000s.
Maysa isuna kadagiti nangidaulo iti operasion idiay Syria idi 2015 agingga iti 2016.
Naipakaammo nga insigida ken ni Russian President Vladimir Putin ti pannakatay ni Sarvarov basar iti Kremlin.
Kabayatanna, sipod rinugian ti Russia ti full-scale invasion iti Ukraine idi Pebrero 2022, sumagmamanon nga opisial ti militar ti nagbalin a target ti car bomb idiay Moscow.
