LAOAG CITY – Naawaten dagiti scholars ti gobierno lokal ditoy ciudad ti Laoag ti stipend da ita a tawen.
Segun ken ni Sang Kabataan Federated President Michael Agustin, umabot iti 369 dagiti scholars ti gobierno lokal ditoy ciudad ti Laoag.
Kuna ni Agustin a manipod iti nasao a bilang ket 124 kadagitoy ket kabbaro laeng.
Inlawlawag na a dagitoy ti nanglitop iti nabakantean a pwesto dagiti dati nga scholar ti city government a nagturposen.
Inpanamnama na nga ad-ado pay ti agbalin a city scholars iti umay a tawen kalpasan a nadoble ti naiyalokar a pondo.
Inpakaammo na a malaksid iti financial assistance, mairaman ton dagiti city scholars kadagiti nagduduma a
programa ken community service ti gobierno lokal ditoy ciudad.
Ti city scholarship ket maysa kadagiti kangrunaan a programa ti gobierno lokal ditoy ciudad ti Laoag tapno matulungan dagiti estudiante iti panagadal da ken maileppas da ti kurso da.
