LAOAG CITY – Inlawlawag ni Mayor James Bryan Alcid nga awan ti planona a mangipatakder ti baro a City Hall ditoy siudad ti Laoag.
Inpaganetgetna a baro a Goverment Center ti manamnama a maipasdek a saan ketdi a baro a City Hall.
Inbatadna a ti laengen pundo ti kurang tapno naan-anayen a maipatakder ti baro a Goverment Center ditoy siudad.
Kunana a nabayagen a planoda ti mangipatakder ti baro a Government Center tapno maakomodar a nasaayat dagiti national wenno local government offices.
Mainaig iti daytoy, inpakaammo ni Mayor Alcid nga iti agdama ket manarimaan ti panangbirukda no sadinno a lugar ti mabalin a pakaipatakderan daytoy ngem ikonkonsiderarda iti paset ti central terminal.
Innayonna nga adda ti pammilinna iti City Engineering Office nga isaganan ti proposal design daytoy.
