LAOAG CITY – Naiparuk-aten ti Senado dagiti subpoena para kadagiti karaman iti maanomalya a flood control projects para iti agtultuloy nga imbestigasion ti Senate Blue Ribbon Committee inton Lunes, Enero 19.
Dagitoy a subpoena ket para kada dati a Department of Public Works and Highways (DPWH) Secretary Manuel Bonoan, dati a Cong. Zaldy Co, Commission on Audit (COA) Commissioner Mario Lipana, dati nga Special Envoy to China Maynard Ngu ken dati nga Education Usec. Trygive Olaivar.
Pinirmaan ni Senate President Tito Sotto III dagiti subpoena a naipatuluden kadagiti nadakamat a dati nga opisial.
Naammoan a no saan nga agatendar dagitoy inton Lunes ket mabalinda nga ipa-contempt, maisyuan ti show cause order wenno pagpalawagen no apay a saanda nga i-contempt.
Kabayatanna, kinumpirmaran ni Sotto ti panangipatulod ti imbitasion para ken ni Batangas Representative Leandro Leviste babaen ken ni House Speaker Faustino Dy.
