LAOAG CITY – Personal manen a binisita ni Mayor James Bryan Alcid ti Laoag City General Hospital.
Kangrunaan a napagsasaritaan kabayatan iti panagbisitana iti nasao a balay-pagagasan ket maipanggep kadagiti nagdumaduma a serbisio kas kadagiti medical equipment, agas, pannakapapintas ti pasilidad, situasion dagiti empleado ken pasiente ken nagdumaduma pay nga aspeto para iti pagsayaatan ti ospital.
Naammoan a maysa kadagiti manarimaan a maar-aramid ita iti Laoag City General Hospital ket in-inot a pannakapapintas ken pannakapasayaat ti pasilidad daytoy.
Kabayatanna, maar-aramid amin dagitoy para met laeng kadagiti Laoagueños gapu ta maipangpangruna ti salun-at dagitoy.
